Молитвы о ВИЧ-инфицированных

МОЛИТВЫ О НЕДУЖНЫХ: ВИЧ-ИНФИЦИРОВАННЫХ

Люди, страдающие от различных заболеваний, в том числе тяжелых и неизлечимых, являются предметом особой заботы Церкви. Церковь совершает ежедневные соборные молитвы, о даровании болящим здравия и спасения.

Молитва Господу

Владыко Вседержителю, Царю святый, наказуяй и не умерщляяй, утверждаяй низпадающия и возводяй низверженныя, телесныя человеков скорби исправляй, молимся Тебе, Боже наш, рабов Твоих (имярек), немощствующих посети милостию Твоею, прости им всякое согрешение вольное и невольное. Ей, Господи, врачебную Твою силу с небесе низпосли, прикоснися телеси, угаси огневицу, укроти страсть и всякую немощь таящуюся: буди врач рабом Твоим (имярек), воздвигни их от одра болезненнаго и от ложа озлобления цела и всесовершенна, даруй их Церкви Твоей благоугождающих и творящих волю Твою. Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу. Ныне и присно, и во веки веков. Аминь.

Молитва Божией Матери

О пречистая Богомати! Услыши многоболезненное воздыхание наше, призри на чад Твоих, неисцельными недуги страждущих, ко святому образу Твоему с верою припадающих!

Якоже птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненною Надеждою буди. Тамо, идеже лютыя скорби превозмогают, Терпением и Ослабою явися. Тамо, идеже мрак отчаяния в души вселися, да возсияет неизреченный свет Божества Сына Твоего! Малодушныя утеши, немощные укрепи, ожесточенным сердцем умягчение и просвещение даруй.

Исцели болящия люди Твоя, о Всемилостивая Царице! Ум и руки врачующих нас благослови: да послужат орудием всемощнаго Врача Христа Спаса нашего.

Яко живей Ти, Сущей с нами, молимся Тебе, о Владычице! Простри руце Твои, исполненныя исцеления и врачбы, Радосте скорбящих, в печалех Утешение, да чудотворную помощь скоро получив, прославляем Живоначальную и Нераздельную Троицу, Отца, и Сына и Святого Духа, во веки веков. Аминь.

Добавить комментарий


Защитный код
Обновить

Banners-eparhia

Союз православных граждан Казахстана Православная служба мИЛОСЕРДИЕ Храм в честь Владимирской иконы Божией Матери станции Шамалган РК  Храм Христа Спасителя  Православный портал Трезвение